кыргыз студент бар
Египетте жалгыз эмессиз
жердештер жаныңызда
Египетке келгенде суроо көп. Эмнеден баштайм, кандай кагаздар керек, кайда жашайм? Биз да ошол жолдон өттүк, ошондуктан билгенибизди ушул жактан бөлүшөбүз.
Алыста болсок да, ынтымагыбыз бекем
Максатыбыз терең билим жана таза ниет
миңдеген аалымдар
окуган, эми биздин кезек
Жүрөгүбүз мекенде, жолубуз илимде
Египетте эмнени окууга болот?
- Араб тили
- Куран жана тажвид
- Хадис илими
- Фикх жана шарият
- Тарых
- Философия
- Чет тилдер
- Котормочулук
Бул сайт эмне үчүн?
Египетте окуп жаткан кыргыздардын жамааты. Ал-Азхарга жана башка окуу жайларга тапшыруу, окуу жана жашоо боюнча кеңештер, жердештердин тажрыйбасы жана суроолоруңузга жооптор бардыгы жерде.
3 000+
Египетте окуган кыргыздар
1 061
Тизмеге катталды
60+
Окуу жайлар бар
Египеттеги жашоо тууралуу
Пайдалуу макалалар
3 миңге жакын
жердешке кошулуңуз
Тизмеге катталып, жамаатка кошулуңуз
Катталуу 5 мүнөт алат. Кабарлар, кеңештер жана керек учурда жардам жердештерден.
Египеттеги кыргыздар деген ким жана бул сайт эмне үчүн керек
azhar.edu.kg сайты Египетте окуган кыргыз студенттердин тизмеси жана алар үчүн блог. Тизмени Кыргызстан Муфтияты жүргүзөт. Муфтият ким кайсы шаарда жашап, кайсы окуу жайда окуп жатканын билип турат, керек болгондо студент же анын Кыргызстандагы жакындары менен байланышат.
Египетте 3 миңдей кыргыз студент окуйт. Алар Каирдеги Ал-Азхар университетинде, анын маахаддарында жана башка 60+ окуу жайда билим алышат. Сайт ошол жамаатты бир жерге чогултат. Бул жерде тизмеге катталып, хитоб жана жолдомо тууралуу биле аласыз, Ал-Азхарга тапшыруу, окуу жана Каирдеги жашоо боюнча кеңештерди окуйсуз.
Сайтта эмне бар
- Тизмеге катталуу. Паспорттун сүрөтүн тартасыз, маалымат өзү толтурулат, дарек, телефон жана жолдомо үчүн арыз ошол эле бетте. Бардыгы 5 мүнөт алат.
- Хитоб. Окуу жайга тааныштыруу үчүн араб тилинде жазылган расмий кат. Ал тизмедеги маалыматыңыз боюнча даярдалат.
- Блог. Ал-Азхарга тапшыруу, маахад жана факультеттер, араб тили, документтер, виза жана резиденция, Каирде турак жай, акча жана транспорт тууралуу макалалар.
- Байланыш. Суроолор боюнча Муфтияттын студенттер менен иштеген кызматкерлерине жазсаңыз болот.
Египетте эмнени окууга болот
Ал-Азхар бир эле университет эмес, бүтүндөй билим берүү системасы. Ага университетке чейинки маахаддар, университеттин факультеттери жана Ал-Азхар мечитиндеги риуак сабактары кирет. Чет элдиктер үчүн Маахад аль-Буус аль-Исламия иштейт. Кыздар үчүн өзүнчө факультеттер бар.
Египетте араб тили, Куран жана тажвид, хадис илими, фикх жана шарият, тарых, философия, чет тилдер жана котормочулук боюнча окууга болот.
Тизме кимге керек
Тизме Египетте окуп жаткан же окууга бараткан Кыргызстандын жарандарына керек. Ал-Азхар университетинин, маахаддын же башка окуу жайдын студенттери катталат. Катталуу акысыз, телефондон да, компьютерден да болот. Маалыматыңыз өзгөрсө, форманы кайра толтуруңуз. Жаңы маалымат кызматкер текшергенден кийин тизмеге жазылат, экинчи жазуу түзүлбөйт.
Көп берилүүчү суроолор
- azhar.edu.kg деген кандай сайт?
- Бул Кыргызстан Муфтиятынын Египетте окуган кыргыз студенттеринин тизмеси жана блогу. Сайтта тизмеге катталууга, хитоб жана жолдомо тууралуу билүүгө, Ал-Азхарга тапшыруу, окуу жана Каирдеги жашоо боюнча макалаларды окууга болот.
- Тизмеге катталуу үчүн эмне керек?
- Паспорт, Египеттеги жана Кыргызстандагы дарек, телефон жана Кыргызстандагы жакыныңыздын байланышы. Паспортту сүрөткө тартасыз, аты-жөнү, паспорт номери, туулган датасы жана мөөнөтү паспорттун астындагы эки саптан өзү окулат. Бардыгы 5 мүнөт алат.
- Хитоб деген эмне?
- Хитоб деген «Кыргызстан жамаатынын кызмат көрсөтүү жана достук коому» окуу жайга бере турган, араб тилинде жазылган расмий кат. Сөз арабча «хитаб» дегенден келген, «кат» дегенди билдирет. Анда студент Кыргызстандын жараны экени жана тандаган окуу жайына киришине тоскоолдук жок экени айтылат. Хитоб тизмедеги маалымат боюнча даярдалат.
- Маалыматымды ким көрөт?
- Муфтияттын студенттер менен иштеген кызматкерлери гана. Маалымат сайтта жарыяланбайт жана сатылбайт. Паспорттун сүрөтү сакталбайт. Паспорттун астындагы эки саптын кесиндиси шифрленип 12 айга чейин сакталат, ал таанууну жакшыртуу үчүн гана колдонулат.
- Египетте канча кыргыз студент бар?
- Египетте 3 миңдей кыргыз студент бар. Алар Ал-Азхар университетинде, анын маахаддарында жана башка 60+ окуу жайда окушат.